Wat moast it oan de peal earst wenne,
earder kleure troch de miuw
dy’t tajoech oan syn wite driuw,
no stekt yn ’t hout in strielantenne.

De kij dy’t oer de swierte balte
fan de molke yn it jaar,
ferstjoere mail nei mail, ’t klinkt raar
mar ’t boadskip sjit nei lichter halte.

Sa kin de striel ferbining meitsje
tusken eufory en down
en bringt yn kleur de hichteclown
it swart-wyt fielend fee oan ’t laitsjen.