Evolúsjemodellen

admin

november 1, 2016

Evolúsjemodellen

De ynfloed fan de evolúsje
lit him hjoed de dei noch sjen
yn ’t libben fan de fûgels,
want guon ha it bêst nei ’t sin,
mar oaren dochs net sa’n fidúsje.

De kop ferskûle yn de fearren
en wat dreame op ien poat,
dat dogge de flamingo’s,
want gjinien komt yn dat oard
en sil har heal bestean bedjerre.

Dêr stiet yn hear en fear de reager
mei twa poaten op in peal
en skerp it each op auto’s,
yn de stêd kin it net heal,
dêr is it foar ’t bestean wat dreger.