De iere moarntiid mei twa brêgen,
dy’t riisden út ‘e ticht mist,
gjin spanning oer dy beide rêgen,
it wie no ienkear sa beslist.

De ien oerbrêge ’t stille wetter,
sa tusken spoar en skoallen yn,
fan brún nei wyt, wat eaget better
foar bern dy’t binne moarntiidsblyn.

De oare, dêr’t in gat yn gappe
as trochgong foar de baggerbak,
gjinien koe dêr oerhinne stappe,
it mist net: rin dan op gemak.