Wol of gjin kontrast

fan Sarkis Katchadourian*

Swart-wyt jout in grut kontrast
oan, grutter is der suver net,
dochs wol, want tusken dea en libben
leit de grins foar alle minsken,
oft it wol of net past.

Lange kleden passe wol,
lit dy mar hingje by de lea
lâns, jou gjin kâns oan manljuseagen
om foar ’t fleis genot te winskjen,
Allah easket wol of gjin tol.

Beppe rint yn stimmich swart
troch ’t lêste libben nei de dea,
al ôfkeard fan de mem en dochter,
dy’t elkoar net fier ûntrinne
as it liif it wol of net hat.

* Sarkis Katchadourian (1886-1947)
Skilderij ‘Trije generaaasjes’