Winterljocht en simmerskimer

fan Johan Klombeck*

In hynder en in hûn,
mear dieren binne net te sjen
fanwege fûle kjeld,
mar sjoch… wat hat de winter jûn,
foaral oan al dy bern,
gjin âlder dy’t dan telt.

Om’t ljocht fan tsjuster wûn,
giet neat oan ’t wintersicht ferlern.

In keppel skiep en kij,
de dieren kin men amper sjen
troch ’t fallen fan de jûn,
de bosk skoot stadichoan foarby,
de fierte giet ferlern,
de hoeder ropt de hûn.

It docht him net mear nij,
dit is wat hy al jierren ken.

* Johan Klombeck (1815-1893)
Skilderij ‘Winterlânskip en hynder’
Skilderij ‘Simmerlânskip mei fee en hoeder’