It koe net oars

fan Ary Scheffer*

It koe net oars,
sy wie de âldste
en hie de noed
oer beide jongsten,
mar die sy ’t goed?

Sy hearde noch:
‘Do bist de âldste
en witst grif wol
hoe’t jim der komme,
do hâldst it fol.’

Sy wist net goed:
mei har derhinne
of better net
op ’t hôf te kommen,
de stap is set.

Sy hat ferteld
oer beide âlden,
it goede thús,
it gean en kommen
en oer it krús.

It koe net oars,
der rôlen triennen
as waarme groet
fan beide jongsten…
sy die it goed.

* Ary Scheffer (1785-1858)
Skilderij ‘De wezen’