april 17, 2024
fan ûnbekend*
Ezechiël
Oer farao klinkt wer in profesy:
Earst riist er op, dêrnei is ’t mei him dien.
Do bist in seder fan de Libanon
mei brede tûken oan in hege stam,
dyn krún stekt yn de wolken op;
de wetterstreamen rinne
om it stee dêrst plante bist;
dat wetter hat dy groeie litten
om oan hichte noch te winnen,
fier steksto dyn tûken út,
dêr nestelje de fûgels op,
dêrûnder kriget mannich bist
syn jongen, foar gjin rôver bút;
de seders yn Gods eigen hôf
komme lang net oan dy ta,
do seder fan de Libanon
stekst fier út boppe de sipressen,
breder bist as de platanen,
sa hat God dy sierlik makke.
Oer farao klinkt wer in profesy:
Del kaam de seder, rap wie ’t mei him dien.
* Foto ‘Seder’
april 10, 2024
fan ûnbekend*
Ezechiël
De farao krijt no berjocht
oer wat der barre sil,
de Hear hat skjin syn nocht
fan him, syn wil wurdt brutsen.
De Hear brekt beide earmen fan
de farao, syn wil
brekt ek, hy wurdt in man
te swak om ’t swurd te tillen.
De beide earmen fan de foarst
fan Babel wurde sterk,
syn swurd stekt yn it boarst
fan farao, dan sille…
… Egyptners út har heitelân
fersille wurde oer
de lannen, neat hâldt stân,
de frede is ferbrutsen.
* Byld ‘Farao’