Yn de kûle

fan Ernst Alt*
Jeremia

It wie foar him in min berjocht
dat Jeremia hearde:
‘Wy sille dy profeet wol krije;
prysters jouwe ûnderrjocht,
profeten sprekke ’t wurd fan God
en wize mannen jouwe rie…
wy sille him net mije!’

It wiene wurden út ’e need
dy’t Jeremia hearre
liet: ‘Moat ik libje yn in kûle?
Trou wie ik Jo, as profeet
die ik in goed wurd foar it folk,
tink no oan hoe’t ik foar Jo stie,
jo wurd kaam út myn mûle.

Dus freegje ik… straf elkenien:
de soannen mei de honger
en lit de pest de manlju reitsje,
dat de froulju kleie stien
en bien, want iensum is har lot,
lit rôvers komme ta har die…
sy sille romte meitsje.

It is foar my in min berjocht
dat sy in kûle grave
om my yndie dêryn te krijen,
dus doch oan jo tsjinstfeint rjocht,
ferjou it ûnrjocht net, o Hear,
dat duorjend op my rjochte wie…
wol my fan har befrije.’

* Ernst Alt (1935-2013)
Tekening ‘Jeremia yn de put’