Wize krêft

fan ûnbekend*

Lit my ’t ferhaal fertelle
fan grut tsjin lyts yn ’t spier,
lyts wie te licht om ’t pleit te winnen,
’t ferlies woech my te swier.

In stedsje koe ’t net stelle
tsjin kenings grutte macht,
it seach rûnom de hege skânsen …
wa sloech op wiisheid acht?

In earme man dy’t wiis wie,
wa hie oan sa’nien tocht?
Hy hie it stedsje rêde kinnen,
gjinien hat om him socht.

Wit wol dat hy de rie hie
dy’t rêde koe de stêd,
de wiisheid biedt wol tûzen kânsen,
gjin macht wurdt dan noch sêd.

’t Wurd fan dy iene wize
is better as ’t geskreau
fan mannich hearsker mei syn dwaasheid,
dy’t him ta fjochtsjen dreau.

Yllustraasje ‘Wize man’