Under wetter

fan ûnbekend*
Jeremia

Jeremia hie in boek skreaun
oer wat mei Babel barre soe,
it ûnheil dat it folk oerkaam,
gjin wurd rôp dêroer twivel op,
sels is hy achterbleaun.

It boek joech hy nei Babel mei,
Seraja brocht it op dat plak
en moast it lêze wurd foar wurd,
de wurden rôpen ’t ûnheil op
dat yn de takomst lei.

Hie hy it boek úteinlik út,
dan spriek er him dêr ek oer út:
‘O Hear, Jo sprieken oer dit stee
fan ûnheil, ’t hâldt hjir ienkear op,
al neffens jo beslút.’

Jeremia joech de opdracht
mei: ‘Byn oan ’t boek in grouwe stien
en smyt it dan de Eufraat yn,
sa dûkt ek Babel nea wer op,
syn ein is neare nacht.’

* Foto ‘Eufraat’