Olivebeam yn flammen

fan ûnbekend*
Jeremia

Ik hie dy leaf, myn Israel,
en ek it folk fan Juda,
want jim wiene in olivebeam
mei griene blêden, goede frucht,
sa ha ’k jim yn ’t ferline neamd.

No binne jim net mear yn tel,
dus ha jim neat te meitsjen
yn myn hûs fanwege ’t âlde kwea;
de offers oan de ôfgod brocht,
betsjutte foar de beam de dea.

De fruchtbeam komt yn flammen del,
ferbrânt mei lûd geknetter,
fan de griene blêden bliuwt neat oer,
de fruchten wurde swart as roet…
myn grime is in lôgjend fjoer.

Yllustraasje ‘Olivebeam’