Willem Tjerkstra’s thússide
admin

Ofgryslike profeten

Bibelbylden

fan ûnbekend*
Jeremia

Ik bin roppen om te sizzen
dat net roppen binne de profeten
dy’t net harkje nei Gods wurd,
want mear hat Hy net tsjin har sein,
oars hiene sy it folk de rie
wol jûn te kearen op ’e wei
dy’t wis fiert nei de ein.

Harkje net nei dy profeten,
want sy ha har eigen fisioenen,
dy’t net strike mei Gods wurd;
tsjin lju, behurde yn it kwea,
wurdt sein: ‘It komt mei jim wol goed.’
Syn wurd, dêr harken se net nei,
in stoarm brekt har de lea.

Hoe’t Jeruzalems profeten
lige, is in ôfgriis yn Gods earen,
harren wurd sprekt tsjin syn wurd,
oan Sodom binne se gelyk,
Gomorra oan Jeruzalem,
fergif komt op har kweade wei,
har lichem wurdt ta lyk.

Foto ‘Stoarm’

Related Posts

Archieven

Zoeken

  • Categorie

  • Datum