De Iene liet Sacharja sjen
wat Hy fan doel wie yn it tiidsferrin,
in ingel spriek dêrby it wurd,
sa kriich it byld in djippe sin.

Ik seach in stander, glânzjend goud,
dêr boppe-op sân lampen, klear foar ’t ljocht,
olivebeammen, geef fan hout,
en oalje dy’t der wêze mocht.

De ingel spriek dêrby it wurd:
‘Sân eagen fan de Iene gean de wrâld
oer, beide beammen hawwe nut:
de foarst en pryster oan ’t bewâld.’

Myn earen heinden dit noch op:
‘Foar Serûbbabel** is dit wurd foarearst:
geweld en macht gean net foarop,
de wrâld feroaret troch de Geast.’

* Yllustraasje ‘Stander tusken olivebeammen’
** Lânfâld