In twadde Goliat

oktober 3, 2016

fan Gustave Doré*

De âlde fijân spriek wer op
as yn de tiid fan Goliat
mei flokken, dat it die sawat,
mar David rekke krekt syn kop.

De âlde David teach ek mei
en rekke yn in fûl gefjocht,
hy hie fan ’t striden skjin syn nocht,
in reuzefjochter kaam him nei.

Abisjai wie noch krekt op tiid
en rekke mei syn swurd de oar:
in twadde Goliat dy’t stoar,
mar Davids liif kaam út ‘e striid.

* Gustave Doré (1833-1883)
Yllustraasje ‘Abisjai rêdt David’

Recente berichten