Ik, Augustus

fan ûnbekend*

In keizer kin net alles witte,
wol it tal, ’t seit alles oer myn macht,
dus rûn it út op tellen,
it folk joech op myn sizzen acht,
ik ha it reizgje litten.

Tafallich kaam ik ek te witten
dat ien by de telling berne waard
yn Betlehem, in jonkje
op datselde plak paraat,
men moat net ien ferjitte.

It hat net folle te betsjutten,
sa’t ik hearde, ’t barde yn in stâl,
syn mem is faam, sa’n frommes
telt amper mei, se docht it mâl,
dochs wurdt myn macht fergrutte.

* Byld ‘Keizer Augustus’ fn Prima Porta