Der rint in ezelinne,
nee, gjin hynder troch de stêd;
dat byld mei djippe spoaren
leit op in hiel oar mêd.

In foarst rydt troch de strjitten,
needrich, mar syn wei is rjocht
nei ’t doel om te feroarjen:
de frede foar wa’t focht.

Hy  sil de ierde sizze
wat de wiere frede is,
fan see oant see sil gloarje
syn sizzenskip foar wis.

Jûchhei, do Sions dochter,
dochter fan Jeruzalem,
rop út as nea tefoaren:
de frede komt fan Him!

* Yllustraasje ‘De fredesfoarst’