Fjouwer kear in oardiel

fan ûnbekend*
Ezechiël

As minskesoan kriich ik te hearren
trije nammen: Noäch, Job en Daniël
dy’t trou de Heare tsjinnen,
fjouwer kear klonk ek in oardiel
oer Jeruzalem, net mear yn tel.

It earste oardiel wie de honger,
’t kaam der mei dy ramp op del
dat nimmen koe dit needlot keare,
sels net Noäch, Job of Daniël.

De wylde bisten as it twadde
oardiel kaam der ek op del
dat nimmen koe dit needlot keare,
sels net Noäch, Job of Daniël.

It skerpe swurd wie ek in oardiel,
’t kaam der mei dy slach op del
dat nimmen koe dit needlot keare,
sels net Noäch, Job of Daniël.

Pestsiik wie it lêste oardiel,
’t kaam der mei dy kwaal op del
dat nimmen koe dit needlot keare,
sels net Noäch, Job of Daniël.

Dy trije manlju waarden rêden,
want sy wiene by de Heare God yn tel
fanwege ’t goede tsjinjen,
mar Jeruzalem lei ûnder
’t oardiel, kâldwei kaam it dêr op del.

* Yllustraasje ‘Noäch warskôget it folk’