Ferfallen foarst fan Tyrus

fan ûnbekend*
Ezechiël

Foarst fan Tyrus, hear hoest wiest:
in toanbyld fan folsleinens,
fol fan wiisheid en ûneinich moai,
do wennest yn it hôf fan Eden,
edelstiennen hiest as toai,
do wiest in kearûb-ingel,
stiest op wacht, de wjukken wiid,
giest ek op wei de berch bydel,
mar doe briek oan in oare tiid.

Foarst fan Tyrus, hear hoest giest
de hannel yn, ferfallen
bist ta grutspraak, heechmoed en geweld;
ferballe út it hôf fan Eden,
waardst as wachter net mear teld,
bist op ’e ierde smiten,
wurdst slachtoffer yn it fjoer,
ferstoost as jiske yn it rûn,
neat bliuwt der fan dyn toanbyld oer.

* Yllustraasje ‘Kearûb-ingel’