Dogeneat en ealman

fan ûnbekend*
Jesaja

Wa’t wol en wa’t net doocht,
is oan it dwaan en litten
maklik ôf te lêzen:
de dogeneat doocht net,
de ealman mei der wêze.

De dogeneat syn hert
briedt oer it dwaan en litten,
lit de earme rinne
mei honger yn de hals,
wa’t toarst hat, stjoert er hinne.

Dy smjunt betinkt in plan
om lytse lju te bringen
yn it djipste lijen,
begjinnend mei falsk praat…
wa kin syn rjocht noch krije?

De ealman is der foar
de earmen dêr te bringen
wêr’t har rjochten binne:
genôch om te bestean,
dat sy oplibje kinne.

* Yllustraasje ‘Dogeneat’