Wêr’t ûnrjocht hearsket, komt de dea
mei jammer op ‘e pleinen,
yn de strjitten wee o wee;
de boeren yn it toarre gea
bekleie leave neisten op it stee
dêr’t wyngerds net mear drippen heine.

Ik, Amos, sis it jimme oan:
de dei komt dat de Heare
driget mei it wylde bist,
dan is ’t foar hiel it folk bedoarn;
jim naaie út foar liuw en bear har list,
in slangebyt is net te kearen.

It folk dat ûnrjocht keart mei rjocht,
sil glimkje op ‘e pleinen,
op ‘e strjitte sjen it ljocht.

* Yllustraasje ‘Profeet Amos’