Brief oan de Romeinen 5

fan ûnbekend*

Jim binne bruorren fan elkoar
yn ’t leauwe oan de iene Hear,
dus jou Him alle eare,
mar gjin broer is oan de oar gelyk,
jim hoege net oer oaren gear.

De iene yt wat er mar wol,
de oare griente en net mear,
se dogge ’t Him ta eare,
tink net by dysels: ik ha gelyk,
dus bin ik better foar de Hear.

Wês foar dyn broer gjin stroffelstien
troch watsto ytst, want dan dochst kwea,
doch goed, dan stiest yn eare
by de minsken; inerlik bist ryk
as leauwe is dyn deistich brea.

Brief fan in Joadsk-Romeinske frou oan Paulus

Bêste Paulus, hoe ha wy it no!
Do hast it hieltyd oer myn broer,
bin ik dan net yn eare?
Ik as frou bin inerlik ek ryk,
dyn manlik skriuwen slaan ik oer.

Yllustraasje ‘Joadske frou’