Brief oan de Galatiërs 1

fan Paulus*

Galatiërs, ik winskje jimme
frede ta, genede fan de Hear,
syn boadskip ha ik brocht;
jim komme út it westen wei,
Jeruzalem is jimme frjemd,
syn boadskip hoecht men net mei
yn te stimmen.

Ik bin ferheard dat jimme kieze
foar in hiel oar bliid boadskip, net sa klear
as dat ik jimme brocht
ha, mar ik jou myn taak net oer;
jim kar is oan myn boadskip frjemd
en makket elkenien oer-
stjoer, betize.

* Kopy fan Galatiërs 1,1-8 út sirka 200