fan Giovanni Francesco Barbieri*
It kin net sûnder in profeet
dy’t fan de Iene sprekt,
faak is der noed of need,
dan klinkt it wurd: sa giet it krekt.
Elia moast nei Achab ta,
de foarst fan hân yn hân
mei Baäl: ‘God sprekt sa:
gjin drip falt yn it hiele lân.’
En nei Elia’s koarte preek
spriek him de Iene ta:
‘Gean do nei Krit, de beek,
dêr silst genôch te iten ha.’
De beek joech drinken by de fleet,
de ravens brochten brea,
syn iten yn de need,
dy’t ware troch it hiele gea.
As ’t iene net mear streame wol,
dan sprekt de Iene wer:
‘It bûtenlân jout gol,
oerein, do fynst dyn iten dêr!’
* Giovanni Francesco Barbieri (1591-1666)
Skilderij ‘Elia kriget fan de ravens te iten’
|
