De hearen ha har goed betelle,
sels in bokje kriich se fan ien mei,
teminsten dat moast ik mar leauwe…
joech se ’t weeflean net in frjemde draai?
Miskien wie ’t bist wol earne stellen.

Myn Anna wie net mear te hâlden,
poer wie se, ik hie de slach ferlern
en koe net oars as lûdop bidde:
‘Heare, wol nei myn ellinde sjen
en my de siken no ûnthâlde.’

* Rembrandt (1606-1669)
Skilderij ‘Tobit en Anna mei it bokje’