Willem Tjerkstra’s thússide

Posted by admin

admin

Utsjochfeintsje

Bibelbylden
PDF Print E-mail
fan Jacobus van Looy*
Ik wie de helper fan Elia,
noch mar in feintsje, mar it heucht my goed:
de Baälprysters rûnen
by de Karmel del op Kison oan,
de beek sa’t sy dy koene
sûnder wetter, mar net mei har bloed.

Ik stie dêr mei de hân foar eagen,
ferskuorrend, mar Elia sei it moast,
want Baäl waard sa romme,
gjin begrutsjen, nei de hichte ta!
Sa binne wy doe klommen
op ‘e Karmel, ’t wûnder barde hast.

Teminsten dat woe ha Elia,
dy’t op ‘e knibbels lei foar God de Hear;
‘k moast sân kear rap nei boppen
oft in teken oan de himel wie,
de lêste kear ha ‘k roppen:
‘Ja, in wolkje as in hân, net mear!’

Image

Doe moast ik fleanend hurd nei Achab,
de kening dy’t it earst mei Baäl hold,
ik drafke nei de hichte
fan de foarst: ‘De stjalprein komt deroan!’
Hy ried fuort nei de lichte,
swarte wolken binne oer him skood.

* Jacobus van Looy (1855-1930)
Skilderij ‘Elia op de Karmel’

admin

Fjoer op de Karmel

Bibelbylden
PDF Print E-mail
fan Johann Heinrich Schönfeld*

Do Karmel hast it wûnder sjoen,
bist flitsend op ‘e hichte rekke
fan de Iene dy’t it flamje liet,
de dei loek doe al nei de jûn,
ticht wiene alle Baälbekken.

Twa alters waarden op dy boud,
foar Baäl earst en foar de Iene
letter, dûbelop sa’t soks doe gie,
twa bollen waarden stikken houd,
dy’t foar de offerflammen wiene.

Do Karmel hast de prysters heard,
dy’t âlen om it fjoer fan boppen
fan har god, dy’t him net hearre liet
yn tongerklap, op fjurrich mêd
gjin nocht hie oan har hjitte koppen.

Image
detail

Elia hast allinnich sjoen,
hy wurke earst mei streamen wetter
foar’t er frege oan de Iene fjoer,
de dei loek doe al nei de jûn,
de flammen lôgen efkes letter.

Do Karmel giest de hichte yn,
mar stiest ek stevich op ‘e ierde,
seachst hoe’t dûbelop wer ienheid waard,
de geast kaam op dy as de wyn,
dy’t fan de seekant rein oanfierde.

* Johann Heinrich Schönfeld (1609-1684)
Skilderij ‘Elia op de Karmel’

Archieven

Zoeken

  • Categorie

  • Datum