Posted by admin

Yn Skeveningen kaam er oan
mei fiskers dy’t er flink te pakken hie,
sy binne lykwols net ferstoarn,
wylst hy in oar it himd oandie.

Dy oar joech oer en krige kramp,
moast hieltyd, nacht en dei, nei ’t húske ta,
sa rûn er leech nei ’t deadekamp
yn ’t blauwe himd foar krie en ka.

It meunster kaam as straf fan God,
die oan de dea… wa woe no noch fertier?
De brouwer klage oer syn lot:
‘Gjinien sûpt mear myn skomjend bier.’

* Litografy ‘Famke út Switserlân’

Trettjin jier, noch mar in puber,
kaam syn dream út, as matroas
keas hy foar de marine;
mei de see- en krûdlucht yn de noas
koe hy syn draai wol fine.

Jacob seach by Philippine
hoe’t de Belgen foeren nei
de sloep mei trije kleuren;
kûgelsrap naam hy de flagge mei,
in held mei dissipline.

Elkenien kaam it te witten
dat de held wie in matroas,
sa’n die wie dik yn oarder;
Jacob hie foar ear in skerpe noas,
hy kriich de Willems-Oarder.

* Yllustraasje ‘Jacob Hobein rêdt de flagge’

** Jan Willem Pieneman (1779-1853)
Skilderij ‘Jacob Hobein’