Berch Sinai,
healwei Egypte en ’t beloofde lân,
gjin palmen yn de stienwoestyn,
mar wol in hân.

Berch Sinai,
de wei fan foet nei top, in ljochte wolk
derboppe mei in hân deryn
foar hiel it folk.

Berch Sinai
dy’t Mozes, lieder fan it folk, beklom,
foar eagen mear as sinneskyn,
gjin sicht rûnom.

Dêr wie Jahweh
en út ‘e hege wolk wei kaam de hân,
syn palm joech inkeld sicht oant yn
’t beloofde lân.

Sjoch ek: Religy
Alef, Beet, Gimel, Dalet, Hee, Wav, Zaijn, Chet,
Tet, Joed