Hee as finster op it wêzen,
blau fan trochsicht op ‘e ivichheid
dêr’t grien it lân fan hope leit,
fiif wurden om mystyk te lêzen.

Hee as ramt fan griene holle,
tinkend, sprekkend neffens wize rie,
de hân trochtaastend mei de die,
de ienheid om ’t bestean te follen.

Hee, trochskinend as de siele
dêr’t de ienheid blaast it klear kristal,
fiif stjerren swevend yn ’t hielal
fan binnen om mystyk te fielen.

Sjoch ek: Religy Alef, Beet, Gimel, Dalet