It brûs foar de kop

Ut it skûtsje-argyf 2004

It skûtsjesilen is in spul
dat spile wurdt as wie it earnst
de jierren troch, sa waard it wenst,
mar altyd nij, gjin flauwe kul.

De Grousters wiene fierwei earst,
yn ’t krisisjier* begûn de striid,
foar skippers wie ’t in drege tiid,
in moaie koelte joech de geast.

It spul nei fiifensantich jier
wjerspegele de earste kear,
it âlde kaam mei ’t nije gear
en beide wiene libbenswier.

In dûbelspul komt krêftich oer,
it brûzet heechop foar de kop,
fier klinkt yn ’t âlde liet de rop:
‘De tiden troch oan ’t skûtsjeroer!’

* It jier 1929

Foto’s út ’e ‘Friesland Post’