Wite ommeswaai

admin

november 11, 2016

Wite ommeswaai

Grif hie it noch wol kind,
in strjitte mei in laachje snie
en op it iis de baan dertroch,
mar Rûchburd kaam net ta dy die,
hy is it yn ús gea ûntwend.

Dochs waard de strjitte wyt,
al wie it dan ek surrogaat,
de wille gie der dûnsjend troch:
prins Karnaval wie wer paraat,
in feest dat net troch teiwaar slyt.

Sjedêr, wat docht ek mei,
is wat de minske altyd boeit,
it komt werom en giet sa troch:
de beam dy’t no al dagen bloeit…
mei karnaval de ommeswaai.