De terp yn Súd-Amearika
hat ieuwen waar en wyn trochstien,
mar is wol erodearre;
de Moches binne heger gien,
se woene op ‘e himel ta.

De sinne droege Moches liem,
miljoenen stiennen foar de bou
foar ’t klimmen nei de stjerren;
de kleuren pronken as in pau
foar goaden op it eigen hiem.

Lit Moches drinke út ‘e krûk
fan god mei ’t eagjend fûgelpear,
dat pronket mei syn fearren;
sa reitsje minsken mear en mear
op hichte neffens gods gebrûk.

* De terp ‘Huaca del Sol’ wie earst glêd
en beskildere yn felle kleuren

It hichtepunt fan de Moche-kultuer
wie fan 0 oant 600 nei Kristus