It hat west

admin

november 9, 2016

It hat west

It hat west, al jierren lyn:
in boerepream foar it ferfier
fan weiden hea en keppels kij,
it koe der allegearre yn,
de boer wie mei de boom yn ’t spier.

It is wier, hy wie der wer:
de boerepream foar ûnderdak
foar stappers dy’t de nacht foarby
yn koma lizze hjir en dêr,
wat kin it skele op hok plak.

It hat west, gjin pream te sjen,
it wetter is foar it ferfier
fan massaguod, feroarjend tij
fan doe nei moarn, gjin dei ferlern,
in wike is net foar ’t fertier.