Fioele of Trompet

Lang libje Liberty
en ek de fjouwer stjerren
dy’t yn it hokje wolle,
guon ambysjes sille stjerre.

It hokje wurdt wer wyt,
want swart soe ’t lân bedjerre;
it waard Trompet tefolle,
woe himsels allinnich hearre.

Fioele klonk wat heas,
somtiden lang net suver;
Trompet fûn sy in bolle,
mei syn steile sprongen nuver.

Fioele of Trompet?
It sil yn ’t hokje klinke
sa’t stjeroanbidders wolle…
Liberty sil dêrop drinke.