Lit hjoed de wyn mar waaie,
’t is de geast dy’t oer it wetter strykt,
it wolkom ropt oan folk dat linich is
en foar gjin hege weagen wykt,
dat wa soe dan noch kleie?

Lit motors folút draaie
as de bolder frij is fan it tou,
se sjonge foar it folk dat linich is
it liet… de bist fan alles ôf,
lit hjoed de klachten waaie.

Mar as de tsjillen draaie,
hâldt de geast de siken efkes yn
foardat it wolkom oer it wetter strykt:
it is al wer in jier ferlyn
dat jimme linich swaaiden.