De âlden koene ’t paad noch fine
nei it krús mei Kristus op it hout
en joegen har deemoedich del;
se fielden har mei ’t leed fertroud,
wat minder fjurrich as de hel,
guon âlen oer har sielepine.

En sjoch, in ingel, ien fan tolve,
fleach beret nei ’t depressive stel:
‘Hjir is foar fel en siel de salve.’

Wat fierder yn de houten skuorre
joech it jongfolk him oan ’t feestlot oer
en dûnse fjurrich sûnder ein;
om earm en mul de boerekloer
as om de skieppe-oeren slein,
sa waard de siel troch Eros fuorre.

* Tyko Sallinen (1879-1955)
wie in Finske skilder,
dy’t yn syn lettere wurk de religy
in rol spylje liet.