Mar farao wist fan gjinien,
allinnich fan de slavetroep,
syn hert waard swier as stien:
‘Noch stiver lûk ik oan de strûp,
it wurk wurdt swierder as it wie,
jim sykje sels it strie.’

De treppen bleau bekend gebiet,
mar frjemd gie ’t op ‘e stiennen flier
mei slangen yn de striid,
de winner waard Aärons dier,
dochs farao ferloek gjin spier,
syn hert bleau like swier.

Yllustraasje ‘Mozes foar de farao’