fan Nicolaas Pieneman*
In opstân wie om del te slaan,
sa wie de kening fan betinken,
benammen doe’t er konkurrinsje kriich
fan Belgysk kening Leopold,
it wie mei sizzen net te dwaan.
Dus joech it leger daliks acht,
want kenings eare moast wol blinke
mei kroanprins Willem liedend yn de kriich;
de fjildtocht tsjin foarst Leopold
wie út op ’t brekken fan syn macht.
By Bautersem rûn ’t justjes oars:
it hynder fan de prins waard rekke,
joech net mear acht en lei al gau foar dea;
it leger gunde ’t Leopold,
dy loek lykwols in lange noas.
It leger loek him rap werom
doe’t Frankryk fûn de macht moast brekke
fan kening Willem, net syn kop en lea.
Lang libje kening Leopold,
de opstân bringt him ivich rom!
* Nicolaas Pieneman (1809-1860)
Skilderij ‘De slach by Bautersem’ |
