Betylûa seach harren kommen,
Achior marsjearre mei…
wie dat foar Israel in strop?
Se smieten stiennen fan de top,
de fijân socht in oare wei,
dy iene koe ûntkomme.

Se namen him yn har fermidden,
fregen hoe’t it kommen wie
en krigen antwurd: sa en sa
en fijâns grutskens derop ta;
Betylûa wist him gjin rie,
hat hiel de nacht troch bidden.

* Paolo Veronese (1528-1588)
Skilderij ‘De flecht fan Achior
út it kamp fan Holofernes’

** Stêd yn it berchlân