As in skûtsje net mear rint,
dan moat der aksje komme,
mar foar’t yntern de striid begjint,
lit elk slaan op syn eigen tromme.

Skipper Meindert* soe net slaan
fanwege aksje ‘swije’,
dus koed er rie noch tsjinwyn jaan;
woe Starum sa syn skipper mije?

’t Lytste skûtsje fan de float
soe foar in grutter wike;
moast Meindert tagelyk fan board
sa’t yn de media wol like?

’t Skippersfolk wie solidêr
en hat it ekstern spile:
‘In boycot fan ús allegear,
by Starum sille wy net sile.’

* Meindert de Groot