Ik wist net wat ik kommen seach,
it ding wie rûn, it hie wat fan in pôt,
in ingel spriek it kleare wurd:
it wie de mjitte foar it nôt.

It leaden lid gie op en del,
sjedêr in frou, dy rekke ek wer wei,
de ingel spriek it kleare wurd:
it kwea moast wike foar de dei.

Ik seach twa froulju yn de flecht
as eiberts mei de mjitte tusken har,
de ingel spriek it kleare wurd:
it kwea gie sa nei Sineär**.

* Yllustraasje ‘Twa froulju mei de nôtmjitte’ (Ted Larson)

** Babyloanië