De Heare tinkt deroan:
Sacharja is myn namme,
ik bin in prystersoan,
lid fan in âlde stamme.

De Heare rôp my oan,
ik moat syn wurden sprekke,
dy’t wikselje fan toan:
besielje, mar ek brekke.

Wês net as jimme heit,
hy woe gjin wurden hearre
fan skuldich is it pleit,
it hat oan rjocht mankearre.

De Heare tinkt deroan
om by syn folk te kommen,
de Heit giet nei syn soan,
Hy hat it heil meinommen.

* Jan van Eyck (sirka 1390-1441)
Keunstwurk ‘Profeet Sacharja’