Kleurige muontsen

fan ûnbekend*

De kleuren strielje hjoed de dei
de skientme út fan hege pylders,
resten fan in heech ferline:
fjouwer iuwen fan gebed
fan muontsen dy’t net better wisten
of dit foarseach yn in ferlet.

Foarst Henry leaude dêr net yn,
dus stichte hy in eigen tsjerke,
dy’t it by de paus net fine
koe; de achtste Henry sleat
it kleaster fan de fromme muontsen,
hie gjin ferlet fan wat wie neat.

Wat yn syn eagen neat mei neat
wie, rekke troch de iuwen hinne
yn ferfallen steat;  ‘t ferline
bleau wol foar in part bestean,
want rjocht oerein stean noch de muontsen
om kleurich troch de tiid te gean.

* Foto ‘Fountains Abbey yn Yorkshire, Ingelân’