Rûn de spanning op yn ’t lân
troch arrogânsje fan reginten,
dan seach ’t folk út nei Oranje,
hielendal net op ‘e sinten.

Dûnsjend gie it nei de kroech,
want hjoed woe ’t folk de jierdei fiere
fan it jonkje fan Oranje**
en fansels ek om te klieren.

Kroechbaas Geurt mei swurd en drank
gie op ‘e knibbels foar syn gasten
en fansels ek foar Oranje
foar’t se troch de tape hosten.

Jan, syn twadde namme Steen,
stie justjes wankel op ‘e fuotten,
brocht in toast út op Oranje
wylst er mei reginten spotte.

Oer ’t balkon hong Wobbes broek,
hy rêde ’t better yn it neaken
mei syn Wimke fan Oranje,
want dy kleur wie him ta beaken.

** Willem III waard tsien jier

 * Jan Steen (1626-1697)
Skilderij ‘Prinsedei’ (14 novimber)