Dêr steane se noch yn de frjemdte,
keapman fan de VOC mei ’t wiif
en achter har de slaaf foar ’t skaad,
de waarme klean om ’t dikke liif,
Batavia stiet op ‘e kaart.

Wiis is er mei de Hearen Santjin,
toppers fan de multinational
dy’t farre foar it kapitaal,
it ynlânsk folk kin nei de hel,
want genoside is ’t ferhaal.

De float leit klear om fracht te laden,
ynslein foar in apel en in aai
en farrend rap foar Hollânsk goud;
it keapmanspear sylt moarn al mei,
’t giet foar de wyn wylst Ynje rout.

* Aelbert Cuyp (1620-1691)
Skilderij ‘Portret fan in topkeapman fan de VOC’

** Pieter J. Sterkenburg (1955-2000)
Skilderij ‘Malakka yn de 17^e ieu’