Itselde

fan ûnbekend*
Ezechiël

De iene útspraak folget
op Gods oare wurdestream,
’t komt op itselde del:
it folk hat Him de rêch takeard,
neat fan de heiten leard.

De heiten hawwe ek neat
leard fan ’t libben ûnderweis
nei har beloofde lân,
se brochten offers oan in god,
de Hear waard sa bespot.

De soannen bringe tal fan
offers oan deselde god,
’t komt op itselde del:
it folk hat God de rêch takeard,
neat fan de heiten leard.

Sy freegje om in útspraak
fan de Hear, mar ’t is fergees,
’t komt op itselde del:
lykas de folken earje sy
in ôfgod, neat is nij.

* Yllustraasje ‘Ferearing fan in ôfgod’