Yn ballingskip

fan ûnbekend*
fan James Tissot**

It moast der wol fan komme
dat de driging fan de legermacht
fan Babel oergie yn de oanfal:
Jeruzalem waard nommen.

It is der ek fan kommen
dat foarst Sedekia hie gjin macht
mear, hy is út ’e stêd wei flechte,
mar letter finzen nommen.

Hy seach noch dat syn soannen
deade waarden foar’t foar him de nacht
kaam troch ’t ferlies fan beide eagen,
nacht sûnder stjer en moanne.

Syn polzen kriich er boeien
om, nei Babel rûn mei dy fracht;
Jeruzalem gie op yn flammen,
wat bloeid hie, moast ferskroeie.

It is der ek fan kommen
dat foar Jeremia kaam de dei
fan sicht op ’t strieljen fan de sinne…
sykhelle hy ferromme?

* Yllustraasje ‘Kening Sedekia as finzene’

** James Tissot (1836-1902)
Skilderij ‘Babyloanyske ballingskip’