Pine as erfenis

fan ûnbekend*
Jeremia

It barde dat it leger
opbriek by Jeruzalem
fanwege farao syn leger,
Jeremia koe wer gean.

Hy wie altyd ynteger,
moast dy deis nei Betlehem
foar saken, ’t gie om de famylje
rie te jaan… in erfenis.

Mar doe’t hy by de poarte
kaam mei sicht op Betlehem,
waard hy ûnskuldich arrestearre:
nei de fijân soe hy gean.

Wat soe hy fierder moatte?
Betlehem wie net it doel…
se ha him yn de kelder smiten:
pine as syn erfenis.

* Yllustraasje ‘Finzenis’