As jongste fan it fjirtjintal
woe Jelle* wolris winne,
as wylde hûn, sa starte hy:
it skot, dêr wie De Lemmer al
en sylde skerp derhinne.

Wêrhinne wist er doe noch net
oant Lodewyk** syn longen
de siken streame lieten, sa:
‘As hûntsje hast it noch net ret,
do bist de start ynkongen!’

It hûntsje blafte net werom,
it seach ris nei de kloaten,
dy glieden mei it seil fluch del,
doe lei it mei in lûde grom
wat tusken fjouwer poaten.

* Jelle Reijenga
** Lodewijk Meeter