Bürresheim

fan ûnbekend*

Bysûnder útsicht op ’e hichten,
op ’e lichte ek, mei in rivier
dy’t op ’e Ryn útkomt;
wa’t hjir wenne ha, de iuwen troch,
kamen foar ’t kastiel yn ’t spier.

Boud waard der troch de iuwen hinne,
elke generaasje hie in styl
dy’t paste by de tiid;
wa’t hjir wenne ha, dy libje noch,
komme troch de bou yn byld.

Bysûnder útsicht op ’e skiednis,
net allinnich op ferskil yn bou,
mar ek op ’t warber folk;
wa’t hjir wenne ha, dy libje troch,
bliuwe oan har boustyl trou.

* Foto ‘Boarch Bürresheim yn Rynlân-Palts’