Keapje foar de takomst

fan ûnbekend*

De kening hat my finzen nommen,
want ik profetearre tsjin him yn:
‘Nebûkadnessar sil gau komme
om yn te nimmen dizze stêd,
de kening sil dan net ûntkomme.’

Doe kriich ik fan myn neef besite
nei’t de Hear syn komst al trochjûn hie,
hy woe syn hoeke lân wol slite,
want neffens him hie ’k lossersplicht,
it koe net oars, ik moast tabite.

Ik ha de fêste priis betelle:
santjin sikkels, dêrnei makke ik
de akte op, ha tsjûgen helle;
it lân waard mear as myn besit,
it koe de takomst ek fertelle:

It folk sil letter sels wer keapje.

* Yllustraasje ‘Jeremia keapet lân’